XXV.



SYNODUS

PRO ARCHIDIACONATU POMERANIAE

Anno 1622 celebrata.

Processus pro Visitatione Ecclesiarum in Archidiaconatu Pomeraniae simulque convocandi Clerum ex eodem Archidiaconatu Sobcoviam.



Paulus Wolucki Dei gratia Episcopus Wladislaviensis et Pomeraniae, universis et singulis Decanis Ruralibus, Plebanis omniumque ecclesiarum Parochialium tam sae-cularium, quam regularium Rectoribus, Com-mendariis, Vicariis aliisque presbyteris et Cle-ricis quibuscunque, per et intra universum Archidiaconatum Pomeraniae ubilibet consti-tutis, Salutem in Domino. Noveritis B-ndum D-num Andream Mszczonowski, Archidiaco-num Pomeraniae, pro debito officii sui visita-tionem ecclesiarum vestrarum proxime futuri mensis Aprilis diebus in anno praesenti factu-rum. Cui quidem ut in omnibus morem ge-ratis et obtemperetis in virtute s. obedientiae, vobis praecipimus. Ac praeterea congrega-tionem generalem totius Archidiaconatus Po-meraniae pro die vigesima sexta Aprilis in anno praesenti Sobcoviae indicendam et con-vocandam esse duximus, prout in Dei nomi-ne indicimus et convocamus per praesentes. Proinde vos omnes supradictos et singulos et eorum quemlibet hortamur, inquirimus, et monemus, illisque in virtute s. obedientiae et sub excommunicationis poena, aliisque arbitrariis poenis mandamus, quatenus ad praefatam Congregationem pro dicta die in propriis personis cum superpelliceis mundis et stolis ac habitibus decentibus, comparea-tis, ibidemque ea omnia quae ad maiorem Dei gloriam, fidei Catholicae augmentum et morum reformationem a Nobis statuentur, corrigentur et ordinabuntur, audire et exequi in charitate parati sitis; citantes nihilominus vos omnes et quemlibet eorum pro tempore supradicto, uno edicto pro tribus et perempto-rie, ad videndum et audiendum in eventu non paritionis, vos et quemlibet vestrum con-tumacem, in sententias et poenas supranomi-natas incidisse et incurrisse declarantes. Volu-mus autem, ut praesentes Processus nostri litteras quilibet ad viciniorem ecclesiam, an-notata prius a tergo illarum executione, trans-mittat; ultimus vero easdem nobis in prae-dicta Congregatione repraesentet. In quorum fidem praesentes sigillo nostro communiri mandavimus. Datum Wladislaviae, die 28 Martii, Anno Domini 1622.