super decimis; et aliis articulis, inferius coutentis, fuisset hinc inde suborta, demum eaedem partes, volentes ad calculum concordiae sine scrupulo conscientiae pervenire, in nos voluntarie, ex certa scientia, non per errorem, nec aliquo dolo vel fraude circumventi, super infrascriptis articulis, pro se, omnibusque successoribus suis, concorditer consentientes, compromiserunt tanquam in arbitrum compromissarium, arbitratorem, laudatorem, definitorem, seu amicabilem compositorem, dantes et concedentes nobis liberam et omnimodam potestatem et facultatem, ut possimus de plano, et sine strepitu et figura judicii, super dictis articulis pronuntiare, laudare, definire, arbitrari, et ordinare, etiam juris ordine non servato, qualitercunque, prout nobis melius videbitur, expedire. Nos itaque Dei nomine invocato, et consilio sapientum communicato nobiscum, etiam habita deliberatione sufficienti, pro bono pacis et utilitate ecclesiae Cracoviensis, ex vigore compromissi praedicti laudamus, atque ordinamus, et definiendo arbitramur, inter dominum Regem et Episcopum praedictos, I. De raptura deeimae praedialis. Pro raptu decimae praedialis alicujus nobilis, vel pro causa qualicunque rationabili talis raptor vel malefactor, monitione praemissa, excommunicetur; si vero in excommunicacione per sex menses perstiterit, extunc incolae in eadem villa degentes, qui tunc teuebantur decimare, excommunicentur cum raptore decimae ejusdem. Ubi autem uxor alicujus nobilis, viro absente, decimam rapuerit, pcr censuram ecclesiasticam hujusmodi ad satisfactionem condignam contra ipsam procedatur; si autem per sex menses in eadem excommunicatione perstiterit animo indurato, tunc kmethones in eadem villa, ubi decima fuit rapta, cum eadem excommunieentur. II. De presbyteriadio et clericidio. Praeterea ubi clericus ordinatus, vel pres- byter, esset occisus, captus, vulneratus, vel detentus, illius loci ecclesia vel ecclesiae, si fuerint plures, jure sint interdictae; et ideo in eisdem divinum officium non debet cele- brari, quousque malefactor domino Episcopo tradatur; qui si comprehendi non poterit, tunc habitatores ejusdem loci praestabunt juramentum, quod malefactorem deprehendere non potuerunt, nec occasionem effugiendi dederunt; extunc ordinarius tollet interdictum a juro statutum; et nihilominus malefactor sit proscriptus, et per quemcunque capi potuerit, domino ordinario tradatur, et omnino excommunicetur. III. De tempore decimae forisandae. Item quicunque dominus villae in ipsa villa sua decimam emere voluerit, ante festum beati Jacobi cum domino decimae forisare procuret, alioquin dominus decimae decimam vendet libere, impedimento cessante domini villae illius. IV. De decimis seminatorum in hortis. Ubicunque aratro in hortis aratum vel in campis fuerit, decima plenarie exsolvatur, exceptis rapis, papavere, caulibus, coepis, allio, et quae sunt his similia. In hortis, si quis ligonisando plantaverit, decima ab eo nullatenus recipiatur. V. De decima canapi. Pro decima canapi taliter statuimus: quod quicunque kmetho arat cum integro aratro, quotcunque boves habuerit seu equos, det quatuor iigaturas canapi parati, juxta consuetudinem terrae antiquam, quicunque cum medio, duas ligaturas dare teneatur, qui autem non arat, a decima canapi debet esse liber et solutus. VI. De interdicto servando. Super interdicto servando taliter decrevimus, quod, cum ex casu qualicunque evenerit, in civitate Cracoviensi interdictum ecclesiasticum teneri et observari, civitas Casimiria, juxta flumen Vislam, eidem interdicto non debet subjacere, et e converso. VII. De cessulione a divinis propler excommunicatum. Statuimus insuper: quod ubicunque vel ad quamcunque excommunicatus a jure vel homine ecclesiam seu civitatem ingressus fuerit, tunc cessetur a divinis; ipso tamen de ecclesia aut cemeterio recedente, divina licite resumantur.