Habito itaque cum eisdem fratribus nostris conprouincialibus episcopis et cum clero tractatu sollempni et consilio prematuro, inuocata spiritus sancti gracia, ad honorem dei et ecclesiarum commodum, decreuimus aliqua noua statuta non cudere, sed 1 vetera salubriter instituta predecessorum nostrorum, pie memorie Fulkonis, Janussij, Jacobi Swincze, Janislai Archiepiscoporum quondam Gneznensis ecclesie innouare, et hujus approbacione concilij innouamus, additis nostris declaracionibus, que secuntur. Decernentes eadem statuta per nos et per eosdem dominos episcopos debere exequi, quantum in nobis fuerit, cum experiencia 2 rerum magistra nos docuerit, nil prodesse jura statuere, nisi sit, qui ea tueatur 3, et per subditos nostre prouincie, sub penis appositis in eisdem statutis, firmiter et inuiolabiliter de cetero exequenda. Ne vero pretextu ignorancie ab eorum obseruacione quispiam excusari valeat, volumus et mandamus, quatenus fratres nostri episcopi supradicti, et Archidyaconi ac rectores ecclesiarum, statutorum seu constitucionum ipsarum copiam habeant, et in suis dyocesibus, archidyaconi quoque in conuocacionibus subditorum suorum, relegant et faciant publicari, quas per notarium in hac synodo fecimus recitari. (§. i.) Cum 4 domum domini deceat sanctitudo, jure quoque canonico statutum existat, quod ad ecclesias ingressus esse debeat humilis et deuotus 5, statuimus, ut quiuis prelatus, canonicus, altarista, vicarius kathedralis ecclesie, nisi superpiliciatus extiterit, in eandem ecclesiam ad audiendum diuinum officium non audeat introire. Contrarium faciens 6, si prelatus fuerit, quatuor capones, si canonicus, duos capones, si vero altarista vel vicarius, unum caponem 7 pro culpa hujusmodi decano ecclesie vel ejus vices gerenti soluere teneatur. (§. 2.) Cum 8 juxta sacrorum canonum instituta clerici beneficiati tenentur apud suas ecclesias residere, presenti statuto decernimus, ut prelati et canonici ecclesiarum kathedralium teneantur facere apud kathedrales ecclesias, in quibus beneficia obtinent, cum infrascripti temporis moderamine 9, residenciam personalem. Prelatus quilibet infra mensem ad minus, cum quatuor canonicis, quorum duo duabus septimanis, et alii duo aliis duabus septimanis immediate sequentibus, et sic de singulis, apud ipsam kathedralem ecclesiam personaliter resideant, obsequium eidem ecclesie debitum in diuinis officijs et alijs bonis operibus impendendo; nisi aliquem ab huiusmodi residencia causa legittima excusaret, quam coram ordinario quantocius exponere teneatur; quo casu, quod per se inplere non poterit, saltem per alium facere sit astrictus l0. Residenciam vero hujusmodi continuandam fore censemus a festo Omnium Sanctorum, usque ad diem beati Johannis Baptiste, distinguendo menses et tempora ad residenciam faciendam, juxta modum superius annotatum. Contrarium faciens, si prelatus fuerit, duas marcas, si vero canonicus, unam marcam nomine pene pro hujusmodi negligencia soluere teneatur, pro necessitatibus ecclesie conuertendas, quam penam pecuniariam ordinarius per censuram ecclesiasticam, absque aliqua misericordia debeat extorquere. 1) statuta nuncianda, et vetera praedecessorum nostrorum, it.d. Gaz. kośc.— 2) „experiencia" opuszczone w Gazecie.— 3) Słowa są z cap. 3. §. 3. de elect. in VIto (1. 6).— 4) W Gazecie kościelnej jest ty­tuł przywiedziony: „Sequitur constitutio, quod praelatus seu canonicus ecclesiae cathedralis ad ecclesias intret superpeliciatus".— 5) Słowa są z cap. 2. de immunit. in VIto. (3. 23.)— 6) Zupełnie karę tę zmienioną podaje text Gazety kościelnej. Czytamy tam bowiem: „Contrarium faciens, incurret sententiam ipso facto, a decano cathedralis ecclesiae vel vices gerente, recepta poenitentia absolvendus . — 7) Pieniężne też. do kościoła offerty nazywano kapłonami. Ob. Adelunga, Glossar. latin. v. Capo. Porów­naj w późniejszych Zwodach Statutów ten przepis przerobiony, np. Wężyka, Constitutiones etc. pag. 136.— 8) Na marginesie kndexu, treścica: „Nota: de residencia personali prelatorum et canonicorum". W Ga­zecie kościelnej nadpis; „Constitutio ad residentiam personalem praelatorum seu canonicorum ecclesiae cathedralis".— 9) moderatione. Gaz.— 10) teneatur; quod casu quo per se sit adstrictus (!), błędnie resztę słów opuszczając; Gaz.—