ferre. Permittimus autcm, quod possint habere mantellos rotundos, sive tnbarda longitudinis moderatae, eosque defcrre cum capuciis, separatis ab eis terapore pluvioso, nivoso, seu pruinoso, et quum ad exercitus, seu curiationes aut expeditiones ex certis et necessariis causis, a sacris canonibus minime reprobatis, eos contigerit proficisci. Insuper prohibemus, ne praelati vel ecclesiarum cathedralium canonici deinceps sub mantcllis vel cappis, pro paratura varios quorumeunque colorum sive varietatum, nisi forte varietates hujusmodi essent in pellibus agninis, vulpinis et linceis, seu zendardum rubeum, vel in aliquibus vestibus fimbrias, hoc est premidiones seu ornamenta nobilia exterius apposita, deludria seu bivaria, seta, aut de aliqua alia simili materia deferant ullo modo. (§. 4.) De arcendo vestium luxu Prohibemus, ne praelati aut alii in dignitatibus, personatibus, seu canonicatibus ecclesiarum cathedralium seu collegiatarum sive in ecclesiis curam animarum habentibus, aut in sacerdotio constituti, manicas deferant consutitias, nec togas sive guarnacias, seu supertunicalia aut quaecunque alia vestimenta desuper portent aperta. Sed ipsa superiora indumenta circumcirca usque ad fimbrias habeant clausa; nulla collaria, (nisi forte in tabardis vel mantellis ad equitandum, circumcirca omnino rotunda,) vel bottones sive fibulas aureas vel argenteas, aut aliquid auri vel argenti habentem ornatum in aliquibus suis vestibus deferentes. Quod si qui contrarium fecerint, vestes hujusmodi per suos ordinarios auferantur in usus pauperum, aut in alios pios usus convertendae: nihilominus, qui in hoc inventi fuerint excessisse, nisi ad mandatum sui superioris se correxerint, usque ad satisfactionem a suis beneficiis sint ipso facto suspensi. I§. 5) Annulorum usus praelatis lantum permissus. Interdieimus omnibus clericis portare annulos, nisi sint praelati, quibus licite competat ex officio dignitatis, vel ex privilegio sedis apostolicae speciali; consuetudine in hoc contraria, non obstante. Quod si quis de cetero 365 clericus annulum portans inventus fuerit, auferatur ei annulus per suum ordinarium, et non reddatur eidem: immo idem transgressor clericus etiam tantumdem ad valorem illius annuli in rebus aliis cogatur pauperibus erogare. Clericus autem, qui annulum dare dioecesano vel praedictam quantitatem solvere contemneret, ab ingressu ecclesiae arceatur, donec annulum reddat et poenam solvat praedictam. (§. 6.) Vetitum ecclesiasticis popinas adire. Statuimus, quod nulla persona ecclesiastica in domibus sive curiis, in quibus habitant, tabernam, ubi vinum minutatim vendatur, vel ubi viles, leves, seu suspectae hospitentur aut conversentur personae, habere, tenere, vel sustinere praesumat. Quod si quis in his excesserit, et a suo superiore monitus non emendaverit infra terminum sibi dandum, ex tunc usque ad emendationem condignam ab ingressu ecclesiae excludatur. {§. 7.) Praelati e familiis religiosis exciti, pristinum cultum servare jussi. Statuimus etiam, et inviolabiter observari praecipimus, quod omnes et singuli, de aliquibus religionibus sive ordinibus ad pontificalem dignitatem assumpti, aut in posterum assumendi, illius religionis sive ordinis, de qua vel de quo assumpti fuerint, vel de cetero assumentur, habitum tam in vestibus, quam in calceamentis et quibuscumque aliis, toto tempore vitae suae deferre teneantur, et deferant in publico et secreto; nec habitum illum ullo tempore dimittant, aut vestes, calceamenta, vel aliqua alia deferant in colore, forma, seu materia contraria vel dissimili religioni sive ordini supradictis. Qui vero contra hujusmodi sanctum et regulare statutum venire praesumpserint, ingressum ecclesiae, et executionem pontificalium sibi noverint interdicta. Per hanc tamen constitutionem non interdicimus ocreas, nec cappas rotundas, aut mantellos ante pectus vel post collum connexos, in colore et aliis, supradictis religionibus seu ordinibus congruentes.