conos vestros diligenter moneatis, ut cum secundum apostolum: ,,qui non laborat, non debeat manducare", de cetero pro procuracionibus suis nullam commutacionem pecunie recipiant vel requirant; sed tunc solum procuracionem habeant et requirant, quando eis contigerit ecclesias personaliter visitare. Et tunc in eueccionibus septenarium numerum non excedant. Quod si mandatum huiusmodi contempnentes fecerint contra illud, et aliquem subditum defraudauerint dicto modo, ipsos ad restitucionem quadrupli obligamus. (§. 23.) De denario sancti Petri colligendo. Cum dominus noster papa de fidelitate vestra confisus, vobis, sicut audiuimus, commiserit vices suas in requirendo denario Sancti Petri, paternitatem vestram rogandam duximus et monendam, vobis authoritate predicta precipiendo mandantes, quatinus super colleccione dicti denarij vos studeatis adeo sollicitos exhibere, quod vestra diligencia ab ipso domino nostro papa supra maiora constitui mcreatur, et a vobis culpam et penam requiri aliquando non contingat. (§. 24.) De hijs, qui contrahunt cum suit consanguinete vel affinibus. Utinam in prelatis istarum parcium putaretur Johannes baptista a mortuis surrexisse, ut Herodis arguerent successores, et eis dicerent, non licere sibi alias Herodiadas in tercio vel quarto consanguinitatis vel affinitatis gradu, vel alias illicite matrimonialiter copulare, et forte adhuc ab aliquibus audirentur, et multa facerent aliqui pro eisdem. Sed quidam ex ipsis prelati facti, sicut non audientes homines, et redarguciones in suis oribus non habentes, callide dissimulant huiusmodi adulteria et incestus, et sic, ne offendant homines, audacter prouocant iram dei. Quia igitur negligere, quos potestis perturbare peruersos, nichil est aliud, quam fouere, vobis qua fungimur authoritate mandamus, quatinus omnes, quasi viri virore virtutum virentes, ponentes super vestra femora gladium verbi dei, vos ostendatis, maxime in hac parte, castitatis et pudicicie amatorcs; et incipientes ab illis, qui in solijs sedent ducum, usque ad captiuam, que est ad molam, eatis et redeatis de porta usque ad portam vestrarum dyocesum, non parcentes fratri, proximo, vel amico, in cunctis vestris subditis predicta incestus et adulteria penitus occidere studeatis; eosdem super premissis arguere, increpare, et obsecrare monitis salutaribus non cessantes. Quod si vos non audierint, unum de duobus irrefragabiliter eligatis; ut videlicet aut contra ipsos super hoc, prout justum fuerit, procedatis, aut Romane ecclesie absque more dispendio nunccietis, ut si, quod absit, nec ipsam audierint, quasi publicani et ewnuchi euitentur. Et si in execucione huiusmodi mandati fueritis negligentes, a deo sanguis animarum, quas per taciturnitatem huiusmodi occiditis, de vestris manibus requiratur, et a summo pontifice penam grauissimam poteritis non immerito expectare, qui ea, que fiunt in vestra dyocesi, penitus non ignorat. (§. 25.) De cimiterijs claudendis. Qui juste et religiose de resureccione corporum cogitaret, cimiteria, in quibus fidelium corruptibila corpora seminantur, ut gloriosa resurgant, claudi muris vel sepibus procuraret, maxime, cum beatissimus Augustinus dicat, quod honoranda sunt corpora defunctorum, et maxime fidelium, quibus est tamquam vasis et organis spiritus sanctus usus. Propter hoc Thobias studebat mortuos sepelire, et Abraham speluncam, que erat in agro Ephrem, ad sepeliendum mortuos comparauit, ne lacerarentur a bestijs, quos sperabat sicut sol in gloria refulsuros, et tanquam scintille in arundineto agiliter discursuros. Quocirca vobis predicta authoritate mandamus, quatinus predicta cimiteria vestrarum dyocesum, que clausa non sunt, claudi taliter faciatis, quod honor eis debitus inpendatur, et immanitas cimiterij et ecclesie, a terris circumiacentibus plenius discernatur. (§. 26.) De oracione dominica et tymbolo exponendo. Denique vobis iniungimus, ut m vestris synodis presbyteris iniungatis, quatinus singulis diebus dominicis et festiuis, post ewangelium dicant publice in vulgari suo oracio-