INTERREGNI POLONIAE LIBER OCTAVUS. Comitiorum Cracoviensium die instante [4. III.] multi mortalium visendi novi Regis simulque celeberrimae sollemnitatis cupidi Cracoviam petebant. In quae Andreas Comes Gorcanus Medirecensis Castellanus praescripto Andreoviensi, quo excipiendi Regis sibi collegisque cura iniuncta fuerat 1, satagens, splendido ac numeroso comitatu auctus Cracoviam, si offensurus isthic Regem esset, sin minus, in ultimam Russiam, qua venturum Regem rebatur, contendit Cosminoque2 aliquantum emensus itineris, praemisso unius diei spatio comitatu, aliquot familiaribus totidemque servis secum a habitis, per Odalanoviam 3 curru vectus, cum per avias silvas VI. Kal. Mart. [24. II] Ostressovio4 Sremensis Castellani5 praefecturae oppido appropinquaret, Sigismundum Corsbachium 6, ante per exploratores totius itineris sui praescium viasque easdem Silesiae finibus proximas obsidentem, obvium habuit, qui praecedentes servos equites discriminis omnino ignaros et subito casu paventes excepit armisque spoliatos praeire coegit, nulli revertendi ad herum facultate concessa; ipsum porro Gorcanum secutum, nec quidpiam periculi exspectantem, cum armatis militibus, scloppetis instructis, velocissime aggressus solumque bombardis admotis petens ceterosque agminatim circumdans quaesiit imprimis, num criminis, quod in se commisisset, meminisset. Hoc nullius se conscium respondente: »Ignorasve«, inquit, »quanta me contumelia Varsaviae7 affecisses, dum bombardas post terga mea explodi mandasses ? Iam tempus adest, quo contumeliam tam insignem magno tuo malo rependamc. Castellanus nulla se hunc ignominia, neu periculo affecisse, sed tum inimicum suum Choiennium 8, cuius tunc comes Corsbachus fuisset, petiisse asse- a P niema secum. 1 Zob. powyżej str. 546. 2 Koźmin w woj. pozn., dzisiaj miasteczko w pow. krotoszyń- skim, w W. Ks. Poznańskiem, podówczas własność Andrzeja Górki. 3 Odolanów w woj. pozn., dzisiaj miasto powiatowe w W. Ks. Pozn. Starostą odol. był podówczas Jan Zborowski. 4 Ostrze­ szów w woj. kaliskiem, dzisiaj miasto powiatowe w W. Ks. Pozn. Wszystkie trzy miejscowości nad granicą śląską, lub niedaleko od niej. 5 Jakób Rokossowski. 6 Zygmunt Kurzbach baron na Smogorzewie (Trachenberg) i Miliczu. 7 Zob. powyżej str. 458 opis zajścia na sejmie elek- cyjnym warszawskim, 6 grudnia 1575. 8 Piotr Chojeński.