INTERREGNI POLONIAE LIBER QUINTUS. Stupenda plane confusaque Polonicarum rerum ratio me ista scribentem a a proposito deterrebat, cum aptum scriptuque dignum quidquam legentibus obvium fiat, me vero certi alicuius laudabilis exitus anxium multo fere incertiorem reddat. Degenerasse omnino Polonia a priscis maiorum moribus videtur, qui uti simpliciori, ita multo sinceriori maiorique animi constantiae innixo regnandi simul et vivendi genere usi, cuncta Reipublicae munia quam celerrime, uno pronoque in patriam studio absolvere consuessent b, nec tantas malorum procellas Rempublicam agitantes diu serpere Regnumque perdere sivissent. Nostrates porro, tribus iam annis rege carentes, (nam illum, qui neque munus debitum ulla parte exequutus, neque nobiscum plus quatuor mensium intervallo commoratus est, regnantis titulo officiove insignire taedet) c tantisque intra et extra Regnum obiecti incommodis praeter desidem et inanem moram dissensionibus et privatarum rerum cura, cui in electione regis plurimum indulgerent, intenti ullum omnino tot sumptuum et conventuum faustum finem explicarunt, externa autem pericula adeo contempserunt, ut ea quousque cuncta eaque atrocissima in unum confluxura, tandem, si minus caveant, hos opprimant, toleraturi viderentur. Ceterum pietate spreta, quid sanctum ? iurisiurandi religione neglecta, quid firmum? legum abolito metu, quid tutum? segni vero otio d, quid stultius? licentia et illecebris, quid infaustius? tyrannide, quid atrocius? Ea quidem mala omnia caeca caligine oculos Sarmatiae obduxerunt, ut cum eorum nemo expers esset, nemo quoque ad saniorem rerum statum vel cohortetur, vel animum advertat, uti infra patebit. IV. Id. Mai [12. V.J secundum foederis convocatione Varsaviensi icti praescriptum proceres equitesque Poloniae Stęzyciam e convenere. Oppidum est exiguum in Sandomiriensi tractu situm, nemoribus cinctum, ad con- a O: scribentem saepius. b O: censuissent. c O ma illo excepto qui qua- luor raenses regnavit zam. od nam illum do insignire taedet. d O aiema otio. e O; Stesicium. W O stale użyta ta forma.