50. Termini terrestres tam Lublinenses, quam Urzedovienses, extra spatium Tribunalis Regni in illud tempus, quod commodissimum nuntii eiusdem Palatinatus elegerint, transferuntur. 51. Retenta contributionum in eos Palatinatus, qui superiori anno contributiones denegaverunt, ex eorundem libera submissione statuuntur. 52. Reliqua propter brevitatem et angustiam temporis ad imminentes conventus reiecta. Lithuaniae postulatorum expeditio Post expeditionem Regni Poloniae postulatorum ad postulata Lithuaniae per Magnificum eiusdem Ducatus Cancellarium tali ordine responsum datum fuit1): 1. Bona Regalia ex contributionibus eximantur, exceptis excipiendis 2. Monstratio Palatinatuum in districtibus dicta okazowanie ad id tempus, quod sibi elegerint, conceditur. 3. Citationes post curiam iuri Lithuanico contrariae abrogantur. 4. Ad dislimitandos Palatinatus commissarii deputantur. 5. Liber transitus in fLuviis procurabitur. 6. Libertatio a teloneis revisioni thesauriorum subicitur. 7. Iuxta antiquum usum et consuetudinem incisio arborum in silvis Regalibus non prohibetur. 8. Diluvies stagnorum Regalium cum iniuria fundi terrestris revisioni subiacebit. 9. Privilegia civitatum super nundinas in statutis Regni locum non habent. 10. Contributiones ad victum nuntiorum in comitia ablegandorum uxta veterem usum approbantur, cui contributioni senatores et ii, qui antiqua consuetudine a solutione eiusdem exempti sunt, non subiacebunt. 11. Stipendia militibus ex contributionibus debent solvi. De Contri butionibus nuntiorum differentia Sic iam tam Regni Poloniae quam Ducatus Lithuaniae exorbitantiarum atque postulatorum absoluta decisione, sub occasum diei Lunae ratione contributionis exorta est ingens inter Palatinatus differentia; qui cum iuxta ordinem suum ea de re sententias aperirent suas, in tres partes esse divisi videbantur. Prima pars contributionem absolute concedebat, altera sub conditione, hac vero praecipua, si commensuratio praesentibus comitiis plenarie statuta fuerit; tertia pars, hoc est ii Palatinatus, qui superiore anno eontributionem denegaverant, nihil aliud praeter retenta concedere volebant. Lithuani in quod Regnum Poloniae consenserit, idem se ratione contributionis paratos efficere obtulerunt. 1) Por. dyaryusz pierwszy str. 117.