45. Turbarum et seditionum licentia ut aliqua poena coerceatur, constitutioni nuntiorum permissum est. 46. Mortui olim Regis Stephani de hac Rpca optime meriti nepos ex fratre, Stephanus Bathori, pro indigena suscipitur una cum praefecto militum nuncupato Lepszeni, 47. Pactis conventis, nomine R. Mtis ante coronationem per eiusdem oratores cum Regno Poloniae contractis, in omnibus satisfiet 1) punctis, quae puncta numerantur duodecim: 1. Primum Esthoniae huic Regno incorporatio in hac summa rerum Sueticarum perturbatione impossibilis; ubi consilio et auxilio Polonorum ad res Sueticas componendas R. Mtas adiuta fuerit, facilius tum demum pactis conventis eandem responsuram et fidem suam eliberaturam. 2. Classis Suetica ad usum et necessitatem Poloniae semper parata. 3. Tormenta iam restituta sunt 4. Pecuniam a patre suo Regi Augusto datam dimittit et ex illa Rpcam Polonam R. Mtas quietat. 5. Tormenta Suetica, quando opus fuerit, contra Moschum suppeditabuntur. 6. Quinque arces eo in loco, in quo nuntii statuendas iudicaverint, R. Mtas extruere semper parata. 7. Externos in servitiis suis tam publicis, quam privatis R. Mtas non fovet. 8. Custodiam sui corporis indigenis Poloniae committit. 9. Stipendium militi sub interregnum servienti magna in parte iam solutum est, in reiiqua parte brevi tempore plenaria fiet solutio. 10. Confoederationem et pacem inter dissidentes in religione R. Mtas iuramento confirmavit. Processus Confoederationis ubi unanimi omnium Palatinatuum consensu adinventus fuerit, R. Mtem ab illius executione non esse alienam. 11. Debita Teciniis, Palatino Sandomiriensi et Maczeiovio, quae Rpca tempore interregni apud eosdem contraxerat, sunt persoluta. 12. Iura omnia omnibus illaesa R. Mtas servat. Hucusque pacta conventa. 48. Sai propter fluminum siccitatem commode ex fodinis Istula de- mitti non potuit; in ubertate fluminis eiusdem salis copia ubertim suppe- ditabitur. 49. Postulata Palatinatus Masoviae ad futura comitia necessario differi. 1) W RP.: satisfieri. II*