5. Monetae revisio censurae Tesaurariorum Regni eorumque officio committitur. 6. Ad Vartam navigabilem reddendam commissarii assignantur. 7. Mercenario militi ad rapinas singulari disciplina via praecluditur, modo illis comeatus libere venum exponant. 8. Lustratio quinquennalis bonorum Regalium et commensuratio fundi terrestris ad arbitrium et concordiam nuntiorum permittitur. Lustratores una deputantur. 9. Inscriptiones in Sadecz, Biecz et Oszwieczim, coram officio castrensi recognitae, perpetuitatis vim obtinebunt. 10. De servis et tumultibus superioris conventus binae constitutiones abrogantur. 11. Miles armatus sub vexillo stipendium merens in conventiculo caret loco, quem recuperat idem togatus. 12. Tempus conventiculorum iuxta antiquam consuetudinem praefigetur. 13. Deputationes Tribunalis Regni tolluntur, nec aliquod memoriale ab interlocutoriis, sed tantum a definitiva sententia solvetur. 14. Commissiones ordinata iuris via factae in dubium nunquam vocabuntur, citationes autem post curiam pro bonis nobilium abrogantur. 15. Granities Regni a Silesia et Hungaria iuxta constitutionem Augusti procurabuntur. 16. Census a cerevisia Cracoviensi revisioni Capitanei Cracoviensis demandatur. 17. Ad bona in Hungaria sita conventus Miechoviensis, dicta Lennak revidenda commissarii assignantur. 18. De bonis et successionibus post eos, qui vitam coniugalem extra sacramentum matrimonii duxerunt, constitutio ad arbitrium nuntiorum datur. 19. Ad violentias tam ratione religionis, quam aliarum iniuriarum revidendas, quarum Princeps Prussiae a nobilibus inculpatur accusaturque, commissarii deputantur. 20. Surrogatores tantum 1) in casibus lege descriptis concedentur. 21. Coarctatio processus in executione rei iudicatae, nuntiorum iudicio permittitur. 22. Pretia rerum vendibilium iuxta mutationem temporum a Palatinis revocabitur, executio pretii constitutioni nuntiorum concessa. 23. Scholae, quas monasteria ex bonis conventualibus nobilibus aperire debent, in provisionem et tutelam Episcoporum acceptae. 1) W RP tam Dyaryusz sejmu warsz. r. 1597.