240 241 KD semper sit tollenda, tantum abest, ut a nobis unquam admittatur, videant, quaenam absurditas sequeretur ex eo, si deoccuparentur bona ab antecessoribus nobilitatis in cultum divinum et in usum monasteriorum largita et concessa. Nullus est abbas, nullum regale beneficium 1), quod non habeat aliquam villam ab antecessoribus Dtionum Vestrarum ad ipsius monasterium pietatis intentione datam. Quod si Dtiones Vestrae eadem bona vellent repetere hoc nomine, quod diversam ab avita religione sequantur religionem, quas turbas moveremus in Rpca, quantis malis daretur occasio  Profecto id nobis est cavendum hac temporum iniquitate, ne aliquo exemplo ad haec dissidia excitanda viam ostendamus. Audivimus nonnullos, qui ad deliberationem meliorem id referri cupiunt et ad plenioris Senatus consessum; id quidem minime necessarium existimamus 2). Meminimus nos pacem inter dissidentes in 3) religione servare iurasse, sed pax non aliter conservatur, quam iustitiae administratione, ut unicuique tribuatur, quod suum est; alia ratione ut pax coalescat, fieri non potest, quin potius, si permiserimus alienas res, ab iniustis invasoribus pacis nomen intereat, dissidii vero maneat oportet. Censemus igitur actoratum legittimum actori decernendum, in progressu causae videbimus, si remitti debeat ad forum suum. In ulteriori processu citatus petiit sibi dari dilationem ad munimenta causam pertinentia 4); quae ut iuridica est ipsi concessa. XVII 5) Februarii. Dies dominicus fuit. XVIII 6) Februarii 7). Instigator contra receptores et patronos Nizovienses agebat iudicialiter, quod eos comeatu, sale nitro 8), pulvere tormentario, subvectionibus iuverint et famulos subditosque suos eis spe praedae adiunxerint. In primis palatinus Smolenscensis hoc nomine accersitus, quod 500 equites cum ipsis praedatum ad Thechinam expugnandam miserit, excusabat factum et ignorantiam praetendebat: vicecapitaneum suum Orssensem, si quid tale fecerit, puniendum. Et obtentum est lucrum in contumaciam iure Lithuanico. Deinde Ulewicz nobilis iudicatus ad evasionem se traxit, quod se invito et reluctante Janoci compulerit subditos ad subvectiones. De Nova Cerkwa cives vocati eadem de causa, dilata illorum actio 9), eo quod regestrum in promptu non habebatur, in quo fuerunt nominati ruptores 10) pacis conscripti. 1) K officium. 2) K existimavimus. 3) D de. 4) D causae necessaria. 5) D Decima septima. 6) D Decima octava. 7) K eiusdem. 8) D initio, K vitio. 9) W Rkp. actis. 10) K raptores.