AVISI Et praetextu libertatis, Augendae magis privatis, Reus stupet praebens modo Zelum publico commodo. Quasi desint remedia De lege ordinaria Ad defendendam patriam, Assumpsit vanam gloriam, Nova defensae nomina Dans inter vulgi agmina, Indixit rokosz publice Homo fortunae modicae, Ut patriam affligeret, Regem regnumque perderet. Quis unquam dixisset ante, Quod Zebrzydovius tantae Futurus erat deviae In regem iracundiae? Pro pane et honoribus Traduxit Regem omnibus Gentibus in opprobrium Et suis in delubrium; Pro magnis beneficiis Regem scatere vitiis Clamat subditus ingratus, Zamoyskich aere elatus; Tum et in publica acta Inseruntur Regis facta, Cuius sacrae Maiestati Maledicunt insensati. Credimus, quod sit Rex reus, Cui delicta parcat Deus, Non sic eo inficias, Regem exorbitantias Multas facere non sine Proprio suo crimine Et ut ommittam plurimas, Quas narrat rokoszii primas,