DE OCCLUSIONE VIAE IN SLESIAM Capitanei non permittant Polonos ire in Sliesiam, deprehensos in fraude castigent. Notafii similiter et camerarum custodes sint fideles, sint intenti ac diligentes ad fraudes istas deprehendendas et prohibendas. Capitanei notarios ipsos theloneorum non decipiant deinceps quitantiis et litteris suis significatoriis, prout hactenus fecerant, quas dabant fraudatoribus. Necessarium est ac utile erit, ut in Crzepicze 1), in Caliss, in Wielyvn, in Ostrzeszow sit libra seu statera magna semper pendens vel in foro vel sub praetoriis ad ceram, sepum, in magnis massis et portionibus ponderandum. Nam in parva statera difficile est res magnas et in magno numero librare et ponderare. Et fit ista ponderatio in parva statera cum longa mora et fastidio magno et expensis aliorum ponderationem expectantium. Videtur nonnullis, ut in Calis, Wieliun, Ostrzeszow, Crzepicze constituantur emporia et deposita, ut ad ista loca emendi et vendendi causa conveniant tam Siiesitae, quamque etiam Potoni. Sed oportet, ut sint in hiis Iocis camerae et testudines pro rebus servandis illuc adductis, ne res vel a pluvia putrescant sub deo iacentes vel ab igne exurantur. Et quia ibi sunt pauperes homines et non peccuniosi nec sufficientes ad emendas merces ad eorum civitates advectas, bonum esset, ut Regia Maiestas haberet in eisdem locis factores suos cum pecunia sua regia, qui omnes illas merces coemerent, ex quorum manibus caeteri mercatores merces peterent. Esset ex ea re magnum lucrum Sacrae Regiae Maiestatis et occlusio posset sic firmari. 1) Krzepice miasteczko, pow. lelowski, woj. krakowskie.