LIBER PRIMUS Statutorum Regni Poloniae. TITULUS I. De Statutis et Consuetudinibus Regni. Casimirus Magnus Rex, Visliciae. C. Cum omnes. usque ad §. unde si quis. Sic illustratum est. folio VIII. C. M. Syntagma statutorum, art. 1: De reo citato non comparente. Vol. Leg. I. pag. 2. C. 1. Cum omnes leges et constitutiones normam imponant rebus et negotiis praesentibus et futuris, non autem praeteritis, statuimus: ut omnes regni Poloniae constitutiones iam editae et in posterum edendae non respiciant praeterita, sed tantum praesentia et futura; nisi aliqua necessitas vel utilitas publica aliter dictaverit, tunc enim mutuo consensu senatorum et procerum in conventione regni generali caveri poterit, ut etiam ad praeterita referantur. Casimirus Tertius in Nleszova et Opoki et Alexander in Radom, Reges. Ex tribus similibus hoc unum conditum est. C. Huiusmodi. usque ad §. Quodque in huiusmodi iudiciis. fol. XCV. C. Item pollicemur. fol. XCV. C. Quoniam iura. fol. CXV. a) C. J. a. 1454. art. 16: Iudicia secundum statuta tenenda. VL. 250. b) C. J. a. 1454. art. 32: De bello et constitutionibus decernendis. VL. 254. c) A. a. 1505. art. 1: De non faciendis constitutionibus sine consensu consiliariorum et nuntiorum terrestrium. VL. 299. C. 2. Omnes iudices quorumcunque tribunalium regni nostri causas et iudicia omnia iudicent et definiant statutis et constitutionibus regni, per nos et divos duces et reges Poloniae editis et edendis. Quae quidem constitutiones et statuta: quae videlicet fierent aut esse deberent in praeiudicium gravamenque reipublicae et damnum atque incommodum cuiuslibet privatum, innovationemque iuris communis et publicae libertatis: non alibi quam in conventionibus regni generalibus per nos et successores nostros reges Poloniae de novo edi et constitui debent de consensu senatorum et procerum, ut quod omnes tangit, ab omnibus 4