et officium nostrum tamquam brachium regale remisit — et tu existens inre victus tamquam rebellis et contumax intromissionem temere sibi denegasti, et ideo executio praedictae sententiae et rei iudicatae ad brachium nostrum capitaneale vel potius regale, cuius vice fungimur in hac parte, est legittime devoluta. Propter quod tibi mandamus regia et officii nostri auctoritate, quatenus coram nobis aut vicecapitaneo nostro seu officio castrensi tali et tali die legitime compareas ad videndum et audiendum, nos auctoritate brachii regalis in vim executionis praefatum victorem in bona tua praedicta iuxta sententiae et rei iudicatae tenorem et continentiam manu potenti intromitti, tueri et defendi, prout ad nostrum officium pertinet capitaneale. Alioquin sive in termino per nos praefixo comparueris sive non, nos ad ea, quae nobis ex officio nostro incumbunt, procedemus, contumacia tua non obstante." C. 361. Quod si victus ad eiusmodi avisamentum loci capitanei in termino sibi praefixo coram officio castrensi comparuerit et metu poenarum sive vadiorum interponendorum victori intromissionem et possessionem in eiusmodi bona se daturum obtulerit, tunc loci capitaneus ministerialem deputabit et vadia triplicata contra victum decernet, ut iam in instanti ipse victus victori in praefata bona, in quibus sententia et res iudicata obtentae sunt, intromissionem realiter daret et possessionem pacificam facto admitteret, nec eum in ipsa possessione quovis modo inquietaret per se vel submissas personas, sub eodem vadio triplicato. C. 362. Quod si victus victori posscssionom tune non admiserit vel quovis modo illam impediverit, tuuc loci capitaneus manu potenti et armata movebitur et victorem in bona victi intromittere tenebitur, eundem victum de bonis praefatis manu forti eiiciendo et vadia triplicata contra eum decernendo. Et idem faciet capitaneus, si victus in termino innotescentiae non comparuerit, quod videlieet cum triplicato vadio victorem intromittet, cuius vadii medietas pro victore et reliqua medietas pro capitaneo loci cedere debent. Kt propter hoc officiales ca_ strenses ab eiusmodi intromissione a victore uihil recipere debent. C. 363. Quod si victus esset adeo potens. quod per capitaneum sua temeriritas et contumacia refrenari non posset, utpote quia brachio regali contravenire conaretur, tunc in continenti debet citari per officium capitaneale ad iudicium castrense peremptorie ad videndum et audiendum, se tanquam rebellem et iuri communi regni contravenientem de regno ac dominiis nobis subiectis banniri et proseribi proscriptumque et bann itum pronuntiari. Qui si in tali teunino eomparuerit metu bannitionis et proseriptionis, debet satisfacere pro vadiis interpositis et capitaneo et parti, et possessionem pacificam sub similibus vadiis et poenis victori non impedire. C. 364. Similiter et omnes complices victo palam patrocinantes citari debent ad banniendum de regno et una cum victo proseribendum se dccerni, contra quos prout et eontra victum officium capitaneale procedere debet. C. 366. Qui vero essent impossessionati, per officium illud castrense comprehendantur et in turrim coniiciantur, quorum punitio in arbitrio et gratia nostra consistat-