C. 721. Cum sub dissimulatione praeterire non valeamus, immo divinae legis perpetuis institutis astringimur pestiferos haereticorum errores, quos in Dei contemptum, christianae fidei detrimentum et enervationem regnorumque iacturam iniqua perversorum hominum corda conflaverunt, etiamsi quaecunque pericula nos subire oporteret, a finibus nostris propellere et gladio deiicere, ut qui censura ecclesiastica non terrentur, humana saltem severitate mulctentur, habito desuper consilio et deliberatione sufficienti cum senatoribus et proceribus nostris, spiritualibus et saecularibus ac de illorum scientia et consensu statuimus et pro firmo, constanti atque irrefragabili edicto observari praecipimus: ut quicunque in regno nostro Poloniae ac in terris et dominiis eidem subiectis haereticus vel de haeresi suspectus, fautor aut promotor eorum repertus fuerit, per capitaneos nostros, consules civitatum et alios officiales ac quoslibet alios subditos nostros in officiis constitutos vel non constitutos uti regiae maiestatis offensor capiatur et iuxta exigentiam sui excessus puniatur. Quicunque autem ab ipsis haereticis venerint et regnum nostrum intraverint, ordinariorum suorum ut inquisitorum haereticae pravitatis a sede apostolica deputatorum et deputandorum comprehensi examini subdantur. C. 722. Si quis autem incolarum regni nostri, cuiuscunque status, dignitatis, gradus aut conditionis fuerint, haeretica pravitate notatus, accusatus ac legitime convictus fuerit, omnia bona eius mobilia et immobilia publicentur et confiscentur, thesauro nostro applicanda, prolesque eorum tam masulina quam feminina omni careat successione perpetuo et in aevum. Confoederatio Senatorum, Procerum et Hobilium Regni Poloniae contra inobedientes iuri, contumaces et haereticos eorumque fautores. Haec consideratio habetur. fol. LXVI. et inserta est de verbo ad verbum. Confoederatio in nova civitate Corczin. a. 1438. VL. 140. C. 723. Nos principes spirituales et saeculares, barones, comites, proceres, milites, nobiles, totaque communitas regni Poloniae, singulariter singuli et universaliter universi, eodem animo, eadem voluntate, scientia, consensu et ratihabitione omnes unanimiter significamus tenore praesentium quibus expedit universis praesentibus et ftuWis, notitiam praesentium habituris: Quomodo consideratis nonnullis disordinationibus, quae in ipso regno Poloniae suboriri inceperunt, visis litteris praedecessorum nostrorum Poznaniae, Petrcoviae et in Iedlna factis, circa easdem litteras et earum articulos, sub quacunque forma verborum exstant confecti, remanere volumus usquequaque et spondemus, et praecipue circa hunc articulum, quod quicunque existens indigena regni Poloniae, habens in ipso regno Poloniae bona, vellet aliquas inobedientias contra ius terrestre commune aut etiam guerras nobis et eidem regno Poloniae damnosas alicui movere sine licentia domini nostri regis gratiosissimi et consilii sui et in iure ter- 25