neos loeorum, sub privatione officiorum suorum irremissibiliter exigenda, puniantur, aerario nostro inferenda pro auro et argento ad monetariam nostram coraparandis. C. 687. Ubi autem in inscriptionibus nostris vel subditorum nostrorum floreni Ungaricales absolute continentur, per triginta grossos usuales intelligi et solvi debent. Ubi vero continentur floreni Ungaricales in auro, ratione istius adiuncti in auro fioreni aurei et non in moneta intelligi et solvi debent. TITULUS VI. De Iudaeis, Pignoribus et Usuris eorum. Casimirus Magnus Visliciae, Vladislaus Jagiello Cracoviae et Varthae et Casimirus Tertius in Nieszova et Opoki, Reges. Ex quattuor diversis hoc unum conditum est. C. Cum in usurarum. fol. XXVI. C. Porro cum iudaicae. fol. XXXVI. C. Perversa iudaica. fol. XLV. C. Cum infideles. fol. XCV. a) C. M. syntag. art. 83: De usuris Iudaeorum qualiter exigi debent. VL. 33. b) C. M. syntag. art. 135: De mutatione pecuniarum per Iudaeos. VL. 50. c) V. J. a. 1423. art. 19: De Iudaeis et eorum pecuniae accomodatione. VL. 78. d) C. J. a. 1454. art. 33: De Iudaeis et eorundem iuribus, praescriptionibus et obligationibus. VL. 254. C. 688. Cum iudaicae pravitatis intentio in hoc continuo versetur, ut Christianorum bona, facultates et divitias in dies deprimat et extenuet, non immerito igitur statuendum et decernendum duximus: ut nullus Iudaeus Christianis in regno nostro agentibus pecunias suas deinceps super inscriptiones vel litteras obligatorias, sed duntaxat super pignora mobilia secundum consuetudinem diutius observatam praestare et mutuare praesumat. C. 689. Quod si quis Iudaeorum aliquas inscriptiones vel obligationes desuper deinceps exhibuerit aut super illas pecunias mutuo dederit, inscriptiones et obligationes eiusmodi sint nullius roboris vel momenti, vigore quarum pecunias recipieus ad solutionem illarum minime teneatur. C. 690. Quorum usuras moderare volentes, statuimus: quod Iudaei Christianis pecunias super pignora, uti praemittitur, mutuantes non plus de usura qualibet septimana exigere audeant, uisi tres denarios usuales ab una sexagena grossorum Polonicalium in regno nostro communiter receptibilium.