perint et recipiunt, pro quoruru salute monasteria pocius sunt fundata, volumus et statuimus, ut ab hujusmodi contemptu per dyocesanum episcopum, per subtraccionem beneficiorum, ut supra cautum est, arceantur; et si aliqui contra hoc dicunt, se habere priuilegia, eadem teneantur nobis infra Pascha proximum presentare. (§. 20.) Item cum et alias sit statutum, ut nullus, cuius condicio, status, genus et conversacio ignota est, ad ordines admittatur 1, nos hoc iterum innouantes, adicimus, ut eciam nullus extra nostram prouinciam promotus, ad seruiendum in nostra prouincia, vel recipiendum beneficium permittatur, nisi prius per dyocesanum fuerit admissus, et hoc per litteras ejusdem dyocesani patentes ostendat. (§. 21.) Item quia plurimi vicarios recipiunt ad suas ecclesias minus ydoneos vel ignotos, ut eis salarium minus soluant, volumus, ut omnes vicarij huiusmodi archidyaconis presententur, ne in litteris admissionis idem plebani possint decipi, vel sigillis. (§. 22.) Item volumus, ut vicarios ydoneos in suis ecclesijs perpetuo conueniant, et uictum quinque marcarum eis predestinamus habere. (§. 23.) Item statuimus, ut cum ad alios sacros ordines debuerint ordinari, non recipiantur, nisi confessi, ne execucione suorum ordinum careant, si fuerint in mortali peccato. (§. 24.) Item statuimus, ut ex quo fuerint ordinati, ordinacionis sue litteras habere teneantur: similiter, cum beneficiati fuerint, inuestiture sue Htteras debeant obtinere. (§. 25.) Item statuimus, ut nullus de beneficiatis se a sua ecclesia extra prouinciam vel dyocesin audeat absentare, nec alicui seruire, nisi de sui dyocesani licencia speciali. (§. 26.) Item cum episcopi fundant ecclesias, aut fundatas dotare voluerint, statuimus, ut dos in perpetuam memoriam habeatur in scriptis, et sub sigillo prelati et patroni littera diligencius conseruetur. Si que autem decime pro usibus ejusdem ecclesie fuerint assignate, sub certa limitacione terre et quantitate valoris debeant assignari; ita, ut excrescencie, si que forent inposterum, ad mensam episcopi reuertantur. Hoc autem ad kathedrales ecclesias volumus extendi. (§. 27.) Cum non sit malicijs hominum indulgendum, et quorundam adeo malignitas inoleuit, ut cum homines innoxii plena securitate se gaudere credant, ipsi peiores publicis viarum predonibus seu pirratis, homines insontes temeritate propria capiunt et faciunt captiuari; statuimus, ut ad instar nocturnorum populatorum agrorum seu robatorum publicarum stratarum, huiusmodi detestabiles predatores seu pocius proditores, ipso facto sentenciam excommunicacionis incurrant, et loca, in quibus habitauerint, et in quibus captiui detenti fuerint, ecclesiastico supponantur interdicto, donec captiuati taliter absque nullius exaccione peccunie, pristine reddantur libertati. (§. 28.) Item 2 cum statutum sit, ut cum aliqui excommunicatos in curijs suis scienter detinent, in curijs eorum diuina officia non debeant celebrari; nos adicientes statuimus, ut si aliqui clerici moniti contra predictum statutum venerint, ab officiis et beneficijs sint suspensi. (§. 29.) Et quoniam cautum est, ut conjuratores et conspiratores a proprio gradu cadere debeant, statuimus, ut si qui tales reperti fuerint, suis beneficijs spolientur. (§. 30.) Item statuimus et firmiter precipimus obseruari, ut si qui clerici quibuscunque personis contra ecclesiam prestiterint patrocinium, consilium et fauorem, si beneficiati sint, ipsis beneficijs sint priuati, si vero non, ad ecclesiastica beneficia sint inhabiles obtinenda. 1) admittantur (!) rkpm.— 2) Rubryka na raargincsie: Nota: contra clericos celebrantes in curijs, ubi excommunicati detinentw.