viae in manus P. Decii Strinerii S. J. Provincialis emisit. Sequenti anno (1606) jam vices Superioris Domus Cracoviensis egit, P. Grrodicio absente, et concione, quam feria V majoris hebdomadae habuit, Nicolaum Zebrzydowski, ducem „Rokoszanorum" q. d. (seditiosorum) offendit. Anno sequenti, Cracovia relicta, cum Decio Strinerio Patre Provinciali, socii instar visitabat Provinciam, postea, primum Collegio Calissiensi, deinde Residentiae Torunensi praefuit. Anno 1611 secretarium in congregatione provinciali egit, quo facto, Superior Premisliensis Residentiae per duos annos erat. Inde Leopolim se transtulit, ubi Collegium rexit et 14,300 florenos ab Elisabetha Sieniawska dono accepit, ad domum Societati exstruendam. Anno 1614 iterum secretarius congregationis provincialis Jaroslaviae electus, ibidem anno 1617 Instructor „Patrum Tertianorum" factus, munere hoc usque ad annum 1619 fungebatur. Hoc autem anno concionator Lublinum missus, deinde Cracoviam se contulit et Superiorem Domus s. Barbarae per tres annos egit. Anno autem 1622 in congregatione provinciali procurator electus, Romam se contulit 21 septembris, unde 13 februarii 1623 in patriam revertit, quo anno Jacobus Najman, Universitatis Jagellonicae Rector, diem ei dixit coram Officiali Cracoviensi Zerzynski, propter P. Angelum S. J. subditum ejus, qui in concione quadam academicos offenderat. Non prius tamen ante tribunal episcopale citatus est, quam duobus post annis, quando Calissii aegrotus lecto tenebatur. Jam enim anno 1623 Cracoviam reliquerat, Provincialem Georgium Tyszkiewicz comitans in visitanda Provincia. Cum autem anno 1625, mortuo Provinciali Georgio, P. Matthaeus Bembus Superior Domus Cracoviensis, vices Provincialis suscepit, Wielewicki ejus partibus Cracoviae fungebatur, sed eodem anno 1625 Posnaniam se contulit, ubi Rectorem Collegii quatuor