EX SUA OENTE DELIGENDO I. 333

commodantur, applicanturque, non multa, ut Homerus et Virgi-lius, hic in suo Aenea, ille in suo Agamemnone et Ulyxe, fin-gendo, sed re vera talem, qualem nobis incredibilis omnibusque perspecta virtus, summum ingenium, singularis prudentia, fides, constantia, cura, vigilantia et maxima rerum gestarum ornamenta commendaverunt plurimum, qualem et Homerus ille ipse mul-tis1 illis figmentis commentitiisque suis complexus est et re-quirit, bonum regem et fortem propugnatorem, tam disciplina, quam natura iustum ac felicem. Cum autem talem virum, tam sapientem et fortem, tum invictissimum et paene divinum cer-nerem, satis superque animi et consilii habentem, non putavi meam melius collocare potuisse operam, quam eum virum scripto hoc rudi, veluti digito, demonstrare, quem tanto munere et ho-noribus dignum esse iudicaverunt multi, cum ob imbecillitatem corporis mei in illa electionis turba et armorum strepitu, in motu, inquam, illo quasi bellico et perturbatione, in illa comitiorum iempestate ac multitudine frequentiaque populi vix mihi locum ullum relictum esse arbitror dicendi, „stando, inquit Martialis, post principia", ubi plus bonus miles, quam prudens valebit orator, plus suffragatio et clamor forti excitatus animo, plus illa clamorum verba valebunt „Volumus" „Nolumus", plus minae et terror, quam modestia iudiciumque. Quod scriptum quia tuae servit dignitati, illud celsitudini tuae destinandum duxi, ut habeat illa fructum quasi immortalem mei in se tam officii, quam observantiae voluntatisque perpetuae. Quod ut neque gravatim perlegat et me commendatum habeat, illustritatem tuam vehementer etiam atque etiam oro.

 Et quia conventus ille omnium maximus et dies optatus no-bis omnibus auctoritate senatoria indicendus prope instat, quem felicem et faustum esse a diis immortalibus precamur, quo in conventu nec dubitamus, vos, summos publici consilii viros et Reipublicae lumina (quorum apud nos est existimatio sanctissi-ma), eam, quam debetis et soletis, navaturos operam, quo ve-stra virtute sapientiaque Respublica nostra hoc turbulentissimo interregni tempore metu turbata non solum recreetur, sed etiam

1 ,nullis' P. Cz.