88 ACTA ECCLESIAE COLLEGIATAE VARSOVIENSIS [88] unacum famulo et aliquando sine famulo equitare nullo comite famulo in levitatem non modicam omnium praelatorum et canonicorum, inhaerendo decretis antiquis et statuto, decreverunt, ordinaverunt et statuerunt, ut deinceps nullus praelatus aut canonicus solus praesumeret incedere ad civitatem et equitare in via, nisi cum duobus famulis ad minus sub poena privationis refectionum et exclusionis a capitulo ad tempus statuendum arbitrio dominorum. 106. (I. 2010) Dni praelati et canonici.. audita petitione dnorum con- sulum civitatis antiquae Varschov. super concessione libertatis a solutione census XX sexagenarum, quem eisdem dnis de proventibus civilibus quolibet anno tenentur solvere secundum privilegia capituli, attendentes ingentia damna, quae civitas praedicta et incolae eius receperunt ab incendio ignis et infelici exustione, permoti singulari pietate et favore erga omnes incolas eiusdem civitatis unanimi voto et consensu omnium decreverunt et benigne concesserunt praedictae civitati et eius incolis omnibus plenam et integram libertatem a solutione praedicti census XX sexagenarum a tempore conflagrationis dictae civitatis, quae erat in anno prox. elapso videlicet MDXLIV die lunae V m Maii praesente tunc Smo rege Poloniae etc. ad decursum X annorum, ita quod praefati dni consules et incolae dictae civitatis Varschov. per dictos X annos integros se immediate sequen- tes a tempore conflagrationis non tenebuntur eisdem dnis praelatis et cano- nicis ecclesiae istius solvere dictas XX sexagenas census, qua libertate ex- pirata X annorum ad solutionem census praedicti XX sexagenarum tenebun- tur et erunt astricti. A. 1546, Septembris 29, in capitulo generali. 107. (I. 219). Iuxta commissionem superius praeteriti capituli factam vener. dnus Daniel Zaramba canonicus retulit in medio capituli, quod ordina- tionem de praedio et de solutione census fecit, hoc est consignavit quatuor laneos, hortulanos et molendinum, de quibus solvent pro possessore dno Al- berto Iessiorkowsky; dicti cmethones de XXI laneis debent singulis annis pro censu solvere per unam sexagenam grossorum, ratione autem, dimissionis XL grossorum de laneo debent et tenebuntur possessori praefato et pro tempore existenti de quolibet manso infra duas septimanas unum diem laborare, hoc est per annum viginti quinque dies, et subsidia alias thloki, quam solutionem et labores dierum a festo proximo Nativitatis Dni tene- buntur. Quibus cmethonibus de duobus laneis ad praedium acceptis vener. dnus Albertus Iessiorkowsky solvit iam pecuniis pafatis agros, villam autem Sadowno a praefato festo proxime futuro Nativitatis Dni de quolibet laneo per 70 gr. dies et omnes datias in toto appretiaverunt, quam ordinationem dni in toto approbaverunt et ratificaverunt perpetueque observandam decre- verunt iuxta praefati proxime elapsi capituli decretum.