nostroque dominio subiecta nonnulle cause in iudiciis non concorditer, sed iuxta animorum diversitatem, licet in uno et eodem facto, varie et diversi- mode decidebantur et diffiniebantur, ex qua varietate et multociens post vexaciones remanebunt ac remanent quodammodo immortales; quocirca ad laudem Dei omnipotentis et gloriose Virginis Marie tociusque celestis curie ad profectum, commodum et utilitatem nostrorum subditorum, decrevimus predictorum iudiciorum eiicere et evellere varietatem, statuentesque (s) de- inceps temporibus perpetuis iuxta infrascripta statuta omnes et singuli iudi- ces terre nostre M a z o v i e debent et teneantur iudicare et eadem statuta distincte et firmiter observare.