[11] KODEKS PETERSBURSKI II. 331 Capitulum LXXl. De morsu canis ex incitacione vicini. Egidius conquestus est et infra. Habens morsum a cane vicini sui, si probaverit, quod ex incitacione eiusdem vicini sui lesuram habuerit, vulnera obtinebit; alias vicinus debet se proprio expurgare iuramento. Capitulum LXXII. De occasione vulneris. Querelam deposuit et infra. Prestans occasionem vel paramentum vulnerato, ad vulnera debet condempnari. Capitulum LXXIII. De eo, dum pastor perdit ovem aliquam. Preterea et infra. Si pastor inculpatur pro aliquo. pecude, quod ipsum deperderet ad villam non reducens, iurabit, quod illud ad villam viceversa reduxit. Capitulum LXXIIII. De filio lusore. || [f. 70] Ut noxius et infra. Parentes non tenentur pro ipsorum filio ad pecunie deluse satisfaccionem. Idem dicimus de Iudeis et quolibet contractu inito per filium. Capitulum LXXV. De ludo taxillorum. Ad precludendum et infra. Ludens taxillos ad prestam, si victus fuerit, ad satisfaccionem victori non tenetur, nec ipsum poterit amonere; quod si fecerit, pena pyancza puniatur. Capitulum LXXVI. De stacionibus eundo ad expedicionem. Expedit reipublice et infra. Ad expedicionem transeuntes, in prato aut villis staciones facere non presumant nec debeant, nisi in campo; nec rapinas committant, nisi pabulum pro equis recipiant moderate. Capitulum LXXVII. De divisione hereditatum matre defuncta. Excommuni usu et infra. Post mortem matris filii non petant 1) a patre porcionem, antequam ad secundas nupcias convolabit, nisi hereditates dissiparet. Capitulum LXXVIII. De profugis aut furta committentibus. Sepius contingit et infra. Profugi vel furta committentes, licet gracie nostre restaurentur, nichilominus de commissis tenebuntur respondere et satisfacere pro commissis, nec post hoc in sublimitate honoris bonis poterint adequari. Capitulum LXXIX. De usurarum iudaica 2) pravitate. Cum in usurarum et infra. Iudei pro dcbito principali et usura ad iudicium non provocantes infra duos annos, predicti Iudei usuram 1) Cod. poterint. 2) Wyraz ten przerobiony z Iudea.