KODEKS JAGlELLONSKI. [8] positis respondeant et actores suis questionibus seu causis non frustrentur, statuimus, quod cum aliquis in nostra curia vel in iudicio fuerit inventus (et) ad nostram vel iudicis presenciam fuerit premisso modo evocatus, actor sive ipse citans questionem seu causam citato debito modo exponere vel in scriptis tradere tenetur ad respondendum eidem questioni, ut alias premissum est. Si questio fuerit hereditaria vel pro magna pecunie summa, scilicet XL marcis, citacionis terminus vel trium septimanarum per iudicem eidem assignetur, alias si pro minori debito vel iniuria verbali, in crastinum huiusmodi terminus prorogetur. (16) De nequicia ministerialium. Flebili querela sepius recepimus, quod ministeriales per terram girantes, pauperes milites et villas religiosorum fatigandi, vexandi adinveniendos modos exquisitos consueverunt, ita, quod si alicuius ville pauperes milites aut villani religiosorum eos pro beneplacito ipsorum officialium pro quibuslibet expensis non pertractent nec procurent, iidem ministeriales ipsos pauperes milites sive villanos religiosorum sine culpa et sine causa et absque iudicis precepto citant occasionem citacionis et vexacionis faciendo, terminos pro libito sue voluntatis || assignantes et statuentes eisdem. Et sic [p. 420] iidem pauperes milites seu villani non valentes aliter redimere vexacionem, sepissime de certa summa pecunie componunt (cum) eisdem. Unde nos huiusmodi vexacioni obviare volentes, statuimus, quod deinceps tales ministeriales sub pena privacionis sue ministerialitatis et spoliacione omnium suorum bonorum, absque speciali mandato iudicis plus aliquam citacionem non presumant facere; alias premissam (penam) et specialem (s) et facialem adustionem non inmerito poterint formidare. (17) De strepitu in iudicio causato. Plerumque fit, quod aliqui propter causas consangwineorum vel familiarium suorum ad iudicia venientes, per strepitum et inoportunam eorum audaciam sentenciam sive victoriam et causam (s) consueverunt reportare. Unde super hoc providere volentes, statuimus, quod deinceps quisquam, cuiuscunque status vel condicionis existat, propter causam consangwinei vel cuiuslibet familiaris aut servitoris ad iudicium nisi vocatus venire non presumat. Qui si facere presumpserit, pena, que vocatur pancznadzescza, nostre camere applicanda puniatur. (18) De excusantibus se per alios capitulum. Possibilitas racionis hoc dictat, quod iudices pro exercendis suis iudiciis habeant certos ministeriales seu officiales; quapropter statuimus, quod nullus J iudex penitus per aliquam personam, quam per suum officialem seu ministerialem faciat, expediat suas citaciones, excepto hoc, si aliquod crimen in