KODEKS JAGIELLONSKI. [2] iuxta temporum antiquitatem in terris dominio nostro subiectis, plerumque cause in iudiciis non uniformiter sed secundum animorum diversitatem, quam- vis super uno et eodem facto, varie et diversimode deciduntur et diffiniuntur equa varietate questiones sive cause, plerumque multiplices questiones rema- nent quodammodo immortaliter. Quapropter ad laudem Dei omnipotentis et beate Marie virginis tociusque curie regni celestis, et ad profectum, como- dum et utilitatem nostrorum subditorum, decrevimus predictorum iudiciorum seu causarum decidere et evellere varietatem, volentes et statuentes, quod 1) indeinceps temporibus perpetuis iuxta infrascripta dumptaxat statuta, omnes et singuli iudices terrarum nostrarum debeant et teneant(ur) iudicare et eadem statuta || distincte et firmiter observare. [p. 414] (1) De observatione temporum et hereditate obligata. Cum omnes constituciones et statuta legem imponant rebus et negociis presentibus et futuris, volumus, ut omnes nostre constituciones edite nunc in colloquio generali in Wyslicza, non respiciant preterita sed tantum presencia et futura. Unde si quis citat ad iudicium aliquem pro hereditate in pecunia obligata et ipsum ad iudicium evocat, extunc si reus in termino non comparebit, actor lucrabitur predictam hereditatem, pecunia reo nichilominus exsoluta. (2) De graniciebus fluvio mediante capitulum. Crebra altricacione inter nostros subditos super limitibus et hereditatibus ipsorum distingwendis graves questiones suscitantur, ex quibus expense augentur et labori nimio interdum supponuntur discordantes. (Et quia) alvei 2) fiuviorum, ut plurimum, inter hereditates profluunt et habentur, unde si que ville aut hereditates invicem conveniunt aliquo flumine vel rivulo mediante, ita, quod quelibet hereditas suam ripam teneat illius fluminis ad ipsam protensam, quod si idem fluvius obmisso primevo alveo divert(er)it meatum sive defluxum suum per alia loca non ministerio hominis, sed virtute propria, tunc primus alveus, ubi ante fuerit decursus aque, pro veris limitibus est reputandus. Et ibidem in lacu illo de utraque villa homines inhabitantes gades, faciant licite suas piscatorias. Secus autem dicimus, si fluxus fluminis a proprio meatu per reparacionem hominis retrahatur, tunc etenim decursus fluminis pro terminis non (s) est habendus. 1) Cod. pro. 2) Cod. aliqui.