WILKIERZ WSI RYCHEMBERK 2 Vorboringe einer guden Marek, thom annderen male II gode Marck, thom drodden male IIII gode Margk. So he auer sunst grouer (dat Gott vorbede) anlopen wurde, sall he nha Gelegennheitt syner Ouertredinge mitt Gefennck- nusse adder sunst mith Tholaeth der Ouericheitt gestrafft werden. 4. Von des Schultzen vnd Radleüten Pflicht. Edt sollen ock Schultten vnnd Rathluden vormittelst ehren Enden, vp dess Dorpess Beste vlittige Upachtunge hebben, vnnd so ethwann am Wisseidam adder Wallinngen, Wathergenge adder sunst, dat dem Dorp nadelich befunden wurde, sollen ane Suemen denjennigen, den edt tho repareren geboret, dartho holden, vnnd mith Pehnen darhen drengen, dath eth mit den ersten, so edt immer mögelick, repareret vnnd gebetert werde, daer auer Schulltten vnnd Rathluden hierinne nalessich befunden wurden, sollen se na Gelegenheit na der Erffnahmen Erkennthnuss gestrafft werden. 5. Von der Reinigung k der Wassergenge noch Huben Zal vnd von dS Schildt. Wieder iss bewilligett, dat alle de Lannde, so woll hoch alse lege, bynnen adder buthen der Wallinnge, sollen glieck de Mole vnnderholden na Houenthall, dess sollen de Lannde, so binnen der Wallinnge begrepen, de anndern Lannde, so noch dehr Tydt, buthen der Wallinnge gelegen sien, vp geliecke Vnnkost tho der Mohlen helpen, vthgenamen den Schildt, welcke vor den Lottinge vnnd Delinge vthboscheiden (s) iss, alss nemlick wer den krege, solde densolfftigen vp seine eigenne Vnnkost inwinnen na sinem Gefallen. Hiernamaless auer, wenn de Schyldt ingewonnen iss, alssdenne soll de Schildt, sowol alss de anndere Lannde, de Molen vnnd Watergennge helpen na Hofenthall reinigen vnnd vnntherholden, dennoch dath alssdenne de Watherganngk dess Schildess mede inn die Lottinge der Reinigunge mothe inngerekennth werden, dennoch also dath de Watherganngk dess Schildess na Billicheit in die Orde na der Erffnamen Erkennthnuss vorgenommen vnnd gemacket sall werden. 6. Von der Nordenbecke oder vom Polnischem Grabe. Nademe denne hoechnodich gewesen, ock ahne datt dath Dorp Richenn- berch dess Watherss nicht kunde gefrieth werden, hefft man nothwenndich mith sambtlicker Bewilligung thwe Wathergennge vorordennth, de dem Dorpe denen vnnd na der Molen lopen, de eine gebeten de Nordebecke, herkamennde vth dess erbaren vnnd namhafftigen Herren Tydeman Gissen Norder Erffen, lopennde durch Herman vonn Bommeless vnnd Herrn Christoffer Beyerss Nordenn Lannde, durch den Botterwech vnnd vorth by datt MolenFeldt, lanngst tho der Molen; dissenn Waterganngk sollen holden, reinigen vnnd krweden dath Lanndt, dath vp der Northsieden dess Botterwechss licht vnnd sall sick tusschen Herr Christoffer Beyerss vnnd Phillip Edzemass Erffen ennden, also dath ein jeder na Hofennthall sienn Loth darinne hebben sall.