1764 308 Wierzchowski pincernae Novogrodensis, Martini Poniatowski thesaurarii Lukoviensis, Thomae Gajecki dapiferi Czernichoviensis, Floriani Bylina pincernae Calissiensis, Joannis Olszewski venatoris Kołomiensis, Martini Łosowski ensiferi Culmensis, Antonii Duczymiński vicesgerentis castrensis Haliciensis, Dunstani Wojakowski castellanidae Premisliensis, Francisci Raciborski vicesgerentis castrensis Haliciensis, Antonii Kościnski pincernae Livoniae, Petri Koc pincernae Culmensis, Mathiae Przyłuski rothmagistri S. R. Magestatis, Ignatii Sulatycki subdapiferi Vinnicensis, Onophrii Zabielski, Dominici Kolędowski, eiusdem nominis Ostrowski thesauraridae Sanocensis, Ignatii Bagienski, Stanislai Kobylski dapiferi Livoniae, Dyonisii Hrynkiewicz dignitariorum, officialium et incolarum terrae Haliciensis et districtuum Trembovliensis et Kołomiensis pro die hodierna in actu contenta inchoandae iudiciorum praesentium cadentiae, eodem laudo assignatae congregatum, pensatis supremo Numini pro incomprehensibili Eius super orphano reipublicae Poloniae terraeque suae statu providentia tranquillitatem publicam mirifice manutenente gratiis, inhaerendo legibus regni maiorumque suorum vestigia sequendo, ante omnia ad electionem mareschalci stubae suae iudicialis accedendo, unanimi voto et placitu ill. mfcum. Franciscum Xaverium Branicki capitaneum Haliciensem, pulcherrimis animi dotibus et virtutibus insignem in mareschalcum et directorem stubae suae elegit ulterioremque prosequendo ordinem notarios decretorum iudicii sui videlicet pro cadentia terrae Haliciensis et districtus Kołomiensis in Halicz celebranda ill. mfcum. Martinum Bąkowski notarium castrensem Haliciensem, iudicem capturalem, pro cadentia vero Trembovliae agitanda ill. mfcum. Jacobum Gurski venatorem Novogrodensem, camerarium granicialem Haliciensem itidem iudicem capturalem e gremio suo elegit et constituit. Qui illres. mfci. notarii taliter electi cadentias suas attentare decretaque in prothocolon inscribere, in absentia vero alicuius alter alterius vices supplere tenebitur et praesenti obligatur ordinatione. 3. Ut autem omnibus notum fiat, qualesnam causae in iudicio praesenti iudicari debeant, hoc idem iudicium causas quatuor articulis castrensibus comprehensas, tum quoque fisci et personalis iniuriae, profugorum subditorum, liquida exemptionum, tum recentis criminis et facti expulsionumque ac violentiarum et damnorum stante interregno perpetratorum aliasque legibus regni de interregnis sancitis praecommissas, non includendo causas de cognitione iurium iudicandas denuntiat, regestra causarum nonnisi bina videlicet simplicium et arestorum, causas iuris et facti simplicis ex citationibus et remissionibus devenientes more et usu officiorum castrensium terrae praesentis complectentia iudicium declarat. 4. Quantum vero spectat causas violatae securitatis publicae et iudiciariae factique et criminis in loco iudiciorum commissi, necdum connexionem aliquam cum personis iudiciariis habentes tum incarceratorum actualiter in carceribus degentium iudicium pro hisce causis regestrum seorsivum tactorum quolibet die tempore in tribunali regni practicato assumendum et iudicandum declarat. Quae quidem regestra circa mfcum. Głoskowski regentem terrestrem Haliciensem haerenda, regestrum vero poenalium cum functione exigendarum a partibus poenalitatum generoso Raffałowski conferendum arbitratur. Relationes citationum in membranis terrestri sive castrensi exportandarum duabus ante incidentiam cadentiae iudiciorum septimanis in actis terrestribus sive castrensibus proprii districtus recognoscendas, extractus vero earundem ac quarumvis transactionum non aliter nisi sigillis authenticis communitas circa controversias in iudicio reponendas statuit. 5. A quibus quidem transactionibus ne cancellariae tam terrestris quam castrensis depactent, sed se iuxta ordinationem recenter factam manu ill. mfci. mareschalci subscriptam gerant, iudicium inhibet1. 1 Taryfę opłat, ustanowioną przez sąd kapturowy halicki, zob. w Terr. Hal. 96 p. 244—51 i 110 p. 145-7.